上個禮拜華華先講完國新主席胡翼時，提到佢搵埋老竇入國新做非執董，父子檔拍住上，噚日佢哋再齊齊接新任務──加入世貿彬記集團董事局。
原本屬於曾仲賢及其家族嘅建材貿易及分銷集團，今年5月初被中港財經界人士榮文怡旗下MaxableInternational用3.33億元收購咗，榮文怡亦喺噚日坐正世貿彬記主席之位，前主席曾仲賢就留任做執董，其他剛委任嘅執董有林長盛、陳永源及胡翼時，胡錦星做非執董，睇嚟都係想搵猛人坐鎮。
資料披露要澄清
不過搞笑嘅係，公告對胡翼時同胡錦星嘅身份披露上，似乎資料做唔足，搞到臨晚要出澄清，澄清番胡翼時除咗係國新主席兼執董，亦係過去三年內（04年6至10月）喺泰德陽光做過幾個月執董，而胡錦星亦喺剛啱嘅六四入咗國新做非執董。如果佢哋有睇李華華，就唔會咁論盡啦。
[email protected]