吳浩康（Deep）的母親日前肝癌病逝，連日來他取消了不少工作，昨日他終於收拾心情，與蔣雅文（Mandy）到銅鑼灣宣傳新碟，吸引不少歌迷冒雨到場支持，歌迷一見阿Deep即大叫「我哋支持你」。
雖然承受喪母之痛，但現場所見阿Deep心情沒有異樣，只是清減了少許，但因現場太悶熱關係，阿Deep的汗水流到落其眼上，即時搞到他眼紅紅，更要Mandy為她抹汗。
「錫多啲爹哋」
事後阿Deep接受訪問時坦言心情仍未平復，提到母親的遺言時更眼濕濕，他說：「我𠵱家最擔心係我爹哋，媽咪喺醫院時已同我講無論如何都要錫多啲爹哋，爹哋都好堅強，自己咁大個仔，第一次見到佢咁喊，所以自己都學識珍惜，唔可以令自己停留喺呢個情緒，因為我仲有爹哋，希望屋企人可以快啲回復心情。」阿Deep正為母親辦理喪事，喪禮將採用佛教儀式。
採訪、攝影：駱華齡