楊思琦昨日與一班候選港姐在北京體育大學英東田徑場學習田徑，一如前日擔任嘉賓的陳法拉般，思琦搶盡一眾佳麗的風頭，穿上緊身衣和短褲的她，單是打扮已較佳麗的T恤和鬆身褲養眼，加上她上圍頗豐滿，跑步時造成跌蕩效果，即時把同場曬到呆呆滯滯的候選佳麗比下去。
上圍跌蕩
其後思琦接受訪問時，提到跑步時上圍跌蕩，她有點尷尬地說：「唔係，你哋望啲佳麗，唔好望我，佢哋好有青春活力，好勤力，今晚佢哋會着三點式泳衣，頭先見佢哋已經喺度練擺甫士，我同啲佳麗講，太誇張動作未必好睇，其實唔需要擺難度高嘅動作，因為影出嚟未必好睇。」問思琦可有教佳麗穿泳衣時如何防走光？她說：「唔使，好多同事會幫佢哋檢查晒先至出嚟俾人影，有啲位置都會黐膠紙。」
此外，佳麗昨日大合照期間，「翻版陳法拉」6號王卉霖欲踎低影相，但被工作人員喝止，怕穿上鬆身短褲的她踎低時會走光。
採訪、攝影：曾小嘉
