咩叫死雞撐飯蓋？睇英格蘭國家隊領隊麥卡倫就知！佢喺世界盃後棄用碧咸結果賴晒嘢，到上月底死死氣叫番碧咸歸隊，英格蘭即刻打和巴西兼贏愛沙尼亞，真係咩面都冇晒！點知佢日前居然話自己當初棄用碧咸係正確決定，話咁先可以激起佢嘅鬥志。唔知係咪麥卡倫呢排刨得摩連奴自傳多，學埋對方死口硬呢？