中國國奧隊前日喺土倫盃決賽1:3輸畀法國屈居亞軍，不過呢個已經係史上最好成績。個人獎項方面，原本金球獎（最佳球員）大熱門嘅陳濤，淨係獲得最佳入球獎，隊友于海就贏到銅球獎。最威水都要數國奧教練杜高域，佢決賽前仲話08年奧運後希望執教國足，相信人在美國嘅國足教練朱廣滬聽到都好難瞓得着！