楊千嬅前晚在將軍澳電視城接受無綫娛樂台訪問，一身賣魚女造型展示廚藝，還揚言要收周中做徒弟，教他煮海鮮。問到為何《美女廚房》沒有邀請她？千嬅說：「監製都有叫我上，不過我真係識煮，好難扮煮得衰，又要火燭，又要燒燶鑊，我演技做唔到。」一番言論擺明寸吳雨霏（Kary），想不到千嬅脫離金牌之後，竟連黃柏高的愛將也冇面畀！
包糭籌76萬
此外，千嬅、衞詩和孫耀威等人昨天在九展出席「煤氣萬糭同心為公益」活動，現場過千位人士包糭破健力士紀錄，最後包了34,056隻糭，籌款76萬。對於無綫有意找杜琪峰回巢，若邀千嬅拍劇，她可會考慮，她說：「咁勁？堅喎！佢拍番劇會好睇，杜Sir嘅戲我有興趣拍，但到時真係會搵我先再算。」
採訪：王連連、楊潔雯
攝影：葉君海