鍾嘉欣昨日在鑽石山出席「父親節愛心煲呔慶回歸」活動，吸引大批fans到場，大會安排嘉欣手執大煲呔拍照，場面十分搞笑。問嘉欣可有準備禮物送予父親時，她說：「屋企人都唔喺香港，父親節都會同爹哋用webcam度過，咁我都會自製父親節卡畀佢，仲會寫啲心聲，等佢得閒攞出嚟睇吓都會開心。」
最緊要開心
由於今年嘉欣得到不少廣告商垂青，故收入大增，問到會否以現金作為父親節禮物時，她說：「爹哋唔係用金錢去感動嘅，佢話乜嘢都唔會要，最緊要係我開心。」
此外，嘉欣笑言家人也有取笑她與林峯的緋聞，她說：「我同佢講我哋只係朋友，不過屋企人睇《溏心風暴》太投入喇，覺得佢肯為我死，真係好好笑。」
採訪：王崇穎
攝影：林德雄