「拍蚊影后」嫁咗「大風遮」之後，佢兩公婆感情真係好到不得了，拍蚊對老公可謂言聽計從，聽聞佢同經理人反晒面，唔多唔少都因為聽咗大風遮嘅意見先會搞成咁。
人肉提款機
關仁聽講拍蚊呢個儍女，唔單止對老闆發窮惡，就連老竇都冇面畀，咁多年嚟，佢兩父女感情不知幾好，佢老爹呢幾年都係靠個女支持生活，但個女結婚後，情況就唔同晒，畢竟佢自己都多咗一頭家。
據講大風遮出到聲，話拍蚊唔應該咁縱容屋企人做大懶蛇，叫佢唔好再做人肉提款機，拍蚊梗係聽老公話，兩父女為咗錢問題搞到好唔開心，呢輪拍蚊仲連老竇都疏遠埋，搞到佢老竇谷鬼氣。
Textby關仁
