下星期二就是端午節，每年到了這個時候，食糭幾乎是指定動作，連來自悉尼的應屆國際中華小姐冠軍宋熙年（Sarah）都話由細到大都好鍾意食糭，她還有一個很特別的家傳吃法，就是將糭子煎來吃，但她就嫌傳統的肥肉鹹蛋黃糭太肥膩，所以今日就請教兩位師傅，以亁果、淮山、姬松茸等材料包糭，夠晒健康啦！
記者：趙珮倩
攝影：楊錦文、陳盛臣
Hair：EricTse@Headquarters
Makeup：JoannaCheng@BlissImage
蜜餞八彩糭（a）
需時：5小時
價錢：$15/隻
材料：提子亁/糖冬瓜/菠蘿亁/亁蓮子/杏脯肉/芒果亁/紅棗肉/生曬元肉各5錢、糯米3両、竹葉5塊、水草1條、糖/生油各少許
做法：先將糯米洗淨，浸大約1小時至透；竹葉烚30分鐘瀝亁備用。杏脯肉/菠蘿亁隔水蒸腍切絲，芒果亁/糖冬瓜切絲，亁蓮子浸水去芯備用。之後將糯米混入所有餡料，下糖/生油撈勻，包上竹葉，以水草紮好，煮大約3小時即成。
蜜糖淮山甜糭（a）
需時：4小時
價錢：$12/隻
材料：蜜糖2湯匙、淮山4至5條、生曬元肉/亁蓮子各5錢、藏紅花3分、糯米3両、竹葉5塊、水草1條、生油少許、竹葉5塊、水草1條
做法：將淮山浸入微滾水至軟身，蜜糖以1杯水開釋；糯米洗淨後浸約1小時；竹葉烚30分鐘瀝起備用。將糯米混合元肉/亁蓮子/藏紅花/生油撈勻，將一半分量放入竹葉後落淮山，鋪上餘下糯米包好，燒熱水加入蜜糖水煮3小時即可。
XO醬姬松茸糭（b）
需時：6小時（不計浸材料時間）
價錢：$12/隻
材料：姬松茸3隻、有機紅豆/白豆/開邊綠豆/XO醬各1/2湯匙、糯米2湯匙、五花腩1件、豬軟骨2件、雲南大頭菜少許、雞湯1杯、鹽/雞粉/糖/麻油各適量、竹葉5塊、水草1條
做法：竹葉烚30分鐘再焗30分鐘備用；姬松茸洗淨浸約1小時，以雞湯煨入味；紅豆/白豆/開邊綠豆浸2至3小時備用；五花腩/豬軟骨以鹽/雞粉/糖/麻油醃30分鐘備用；雲南大頭菜切絲浸30分鐘，汆水後以雞湯煨入味。將混合好的糯米/紅豆/白豆/XO醬放底部，然後順序放入綠豆/姬茸/頭菜/五花腩/豬軟骨，鋪上綠豆/糯米，包紮好煮31/2小時，熄火再焗2小時即可。
包傳統糭
睇完師傅示範，Sarah都話想學包一隻傳統鹹肉糭送畀端午節生日嘅媽咪喎，馬上再請師傅教路。
StepbyStep
1.先將兩塊竹葉相交摺叠成漏斗形，放入1湯匙糯米；糯米上面鋪上1湯匙開邊綠豆，然後將鹹蛋黃置中，加入瑤柱和肥肉；再次鋪上開邊綠豆和糯米。
貼士：竹葉分底面
揀竹葉要揀嫩身，顏色較青淡的；而竹葉有分底、面，平滑的一面應向內放餡料，粗糙的一面向外；此外，如鍾意食較鬆身的糭，可放多點開邊綠豆。煮好的糭宜焗一段時間，讓糯米完全熟透，食落口感更加軟綿。
示範
