日本大堆頭偶像組合Morning娘，近日連番爆醜聞，不過冧仔大過天嘅後藤真希就一於少理。轉走性感路線嘅後藤，近日俾人目擊同男友、跳舞組合PaniCrew成員植木豪喺大阪往東京品川嘅新幹線入面又攬又錫，後藤仲餵男友食百力滋，完全沉浸喺二人世界。另外，接替藤本美貴成為晨女新隊長嘅高橋愛，前日就同成員久住小春出席環保活動。