舒淇前晚在中環一艘名為張保仔的觀光船上，出席她代言的Kenzo香氛記者會，穿上4吋高踭鞋的她，因船隻搖擺不定而頻呼「好驚、好暈！」工作人員即替她擔凳讓她坐下接受訪問，自稱患上倦怠症的她，坦言要有熱情及衝動才會接拍電影。
自古香水配美人，舒淇擔任FlowerByKenzo香氛全球代言人，早前她更遠赴美國邁阿密拍攝電視廣告，前晚她以代言人身份，在中環一艘名為張保仔的觀光船上出席記者會，她穿上價值25,995元的黑白色Kenzo晚裝，腳踏4吋紅色高踭鞋，顯得雍容華貴，性感大方。
「好驚好暈呀」
舒淇獲該廣告片的創作總監Patrick送贈一支嬌艷欲滴的紅花，令她喜上眉梢，不過因船隻搖晃不定的關係，也令伊人不自覺地左搖右擺，更險些兒跌倒，她更頻說：「好驚，好暈呀！」其後舒淇謂出席該活動感到很榮幸，卻錯讀成「好暈幸」。工作人員見狀即醒目地擔凳讓她坐下，她並用法語表示感謝。
舒淇脫去黑外套接受訪問，大晒美好身段，問她是否覺得在船上舉行活動感到暈眩？她說：「唔係，只係我着咗對4吋高踭鞋企唔穩啫！」舒淇早前表示拍該廣告不時被蚊咬，問她可認為搵錢辛苦？她說：「唔係，喺邁阿密拍攝時好開心，不過因為有時差，拍攝時成日想瞓覺，唔使拍時又瞓唔着。」
「個心有啲攰」
久未有拍戲的舒淇透露近日推掉四至五個劇本，她稱因未遇到合適劇本，要搵到有感覺的才會演出，問她是否已搵夠，所以不恨錢？她即說：「唔係，依然想拍戲，不過要熱情同衝動嗰刻至拍到。」
問舒淇會否拍西片？她說：「唔會，因為語言唔同，個心有啲攰，咁多年想調整吓，我自己有倦怠症，冇咗個動力。」問她不拍戲，大可找個男人臂膀依傍，她聞言笑說：「我有得挨，挨梳化囉！」
採訪：IngridChan
攝影：MatthewLam
