古仔撐《變形金剛》
暑假猛片如雲，一眾明星藝人的心水選擇如下：
古天樂
「我最期待睇《變形金剛》，好多年前我已經好鍾意變形金剛呢個公仔，之前上網睇晒預告片，見到機械人變車、車變機械人嘅場面，真係震撼。」
葉翠翠
「我揀《阿森一族大電影》，我以前喺英國讀書時，好鍾意睇㗎，會買佢啲碟，因為每次睇都好開心，係好搞笑嘅卡通片。」
佘詩曼
「我會睇《哈利波特鳳凰會的密令》，之前都有睇開哈仔，佢次次都有新搞作，所以都想睇吓今次有乜新嘢搞，同埋哈仔啲特技好精采，冇冷場。」
楊千嬅
「杜Sir、林嶺東同徐克嗰部《鐵三角》，我好期待，睇吓三個導演拍同一個故事，究竟會係點。」
薛凱琪
「會睇《史力加3》同埋《Simpsons》，因為呢排比較忙，想趁暑假搵番以前讀書放暑假嘅感覺，所以揀卡通片。」
街訪：街坊熱捧《哈利波特》
本報記者日前在銅鑼灣訪問了30位巿民，當中有20人表示會選擇《哈》片，5人揀《變形金剛》，而且全部是年輕男性。
Iris：「都係睇《哈利波特》，因為之前幾集電影都有睇開，而且連書都睇晒。對新嗰套就冇乜期待，因為睇完書再睇戲會覺得電影拍得好垃圾，但追開睇埋啫。」
Coco：「之前追開《哈利波特》，所以首選都會睇番呢套，覺得佢劇情幾好，而且今集應該會好刺激因為會同佛地魔交手。」
阿文：「我會揀《變形金剛》，因為一直睇開卡通版，今次好似話搵真人加埋CG動畫，個感覺好吸引，不過都擔心拍唔番之前嘅神髓。」