【本報訊】在壹傳媒主席黎智英眼中，特首曾蔭權「唔係衰人」，向北京爭取民主只是有口難言，「佢點能夠講？阿爺實鬧：我養你，有冇搞錯，食碗面反碗底！」所以今年7.1市民更需要上街，「我哋上街就算唔係為自己，都要為曾蔭權打氣。」
中國得不到國際尊重
黎智英昨日出席回歸10年研討會，原本接受港區全國人大代表李鵬飛專訪，但最後演變成「棟篤笑」個人表演，45分鐘訪問多次博得台下觀眾拍掌喝采。他透露回歸以來一直擔心被捕，「嗰時（回歸前）驚，𠵱家都驚，分分鐘可以拉我喎。」他形容北京是獨裁者，「癲起上嚟做啲嘢係諗唔到。」他指中國經濟與軍力不斷強大，卻得不到國際尊重，原因是中國未有普世價值的民主政治，「民主係國際標準，今日我要喺獨裁統治下，自己都冇乜尊嚴。」
被李鵬飛問及對人大委員長吳邦國近日言論的看法，肥佬黎顯得反應頗大說：「呢條友黐線㗎，真係頂佢唔順。唔通港台日日要宣佈，今日我哋（問北京）攞到幾多權？」他說行政主導非港人所求，但有信心本港在10年內落實民主，「有冇選舉唔肯定，最少有roadmap（路線圖）。」他坦言即使最先的普選模式只能選擇中央指派候選人也未嘗是壞事，因為候選人至少經過一人一票民主洗禮，「呢班人（指候選人）要面對民眾嘅時候，肯定會改變，變咗第二啲animal（動物）。」
批評政府是幫助特首
他說壹傳媒經常批評政府，其實是幫助特首曾蔭權，「我哋係反對派，打佢先至係幫佢。」他認為曾蔭權私下有心為香港民主出力，但權力有限，故港人今年7.1需要上街，為曾爭取更多籌碼向北京討價還價。