位於九龍灣的MegaBox標榜面積寬廣，以有多間旗艦級商店作號召，不過開業初期配套設施似乎不足，有網友假日貪新鮮到MegaBox「趁墟」，怎知易入難出，泊車在停車場15樓，竟要花半小時才能駛到地面離開，「去完一次，有排都唔會再去！」
塞半小時才能出閘
網民「爬牆虎」駕車到MegaBox後一肚氣，即時在網上發洩：「商場係幾大，但係交通設計就認真差，咁大個場，竟然只得單一車輛出閘位。泊車要上到15樓，離開時塞咗半個鐘先出閘，皆因只得一個車輛出閘位，完全冇考慮交通流量問題，係失敗之作。」
另一些網友則指停車場設計欠佳，泊車位太窄，「好容易揩到隔籬架車。」有車主更說：「個商場唔揸車好好行，揸車去就咪搞。」有人說最大得益是毗鄰的露天停車場，「星期日都滿晒，多得佢唔少。」