個個家長都認為自己是教育專家,見到不少家長因為子女派不到心儀小一而失落傷心,過來人「囹桼」在親子王國與網友分享教女秘方,就是當年刻意讓女兒入讀無名氣的「豆泥」小學,「我去過好多名校睇,發覺好多小朋友唔鍾意返學,呢間豆泥小學竟然冇咁嘅情況」。
經常代表學校比賽
他說由於該學校是全日制新校,故獲派位機率甚高,而且學生水平不會太高,「正常人一定唔使驚成績追唔上」。加上功課測驗少,「囡囡就大把時間睇課外書、睇卡通、睇漫畫」。另一好處是「好多機會代表學校出外比賽,讀名校,排隊都有排排」。
他說女兒在此上學,小學生涯完全沒有壓力,「發夢都掛住要返學」。
直到小五時準備升中一,他才稍為催谷,「最後無驚無險,入到一間都算唔錯嘅英中。所以入唔到名小學唔緊要,最緊要係學習氣氛同校風良好,派唔到心儀學校,使乜驚先?」
其他家長對這種教女方法十分讚賞,不過人人都說始終是報讀名校較安心,「派唔到位先搵呢啲豆泥學校啦,入到名校梗係讀名校啦!」