肥仔，生日快樂！我知呢度版位有限，但都希望容許我賣吓廣告。肥仔個人唔係爛滾，係爛賭……話說佢上年生日嗰日，馬會個戶口得番70蚊，結果畀佢中咗條3串7波膽收番萬幾銀，啲錢仲玩到𠵱家。
畢傑成日聽人講壽星仔/女好鬼旺，賭親錢都多數贏，於是我今日打畀佢除咗講聲「生日快樂」之外，梗係順便黐吓佢嘅旺氣。
肥仔生日就固然大晒㗎啦，佢話西甲馬德里體育會迎戰切爾達都係「大」晒喎！平時佢講嘢我真係好少聽，不過壽星女特旺嘅傳統，我信囉。
大細：馬德里體育會「大」
心得：肥仔今日「大」晒
畢傑
畢傑愛肥仔，所以最愛朗拿度；但更愛賭波，不倒翁最似我。