雖然劇集《溏心風暴》已播映完畢，但其餘威依然強勁，由電視機旺到紅館。細契關菊英將於8月在紅館舉行兩場演唱會，屆時更會邀請劇中一眾演員上台再續《溏心》未了緣。
關菊英昨日於尖沙嘴為其8月1及2日在紅館舉行的「關菊英溏心演唱會」舉行記者會，無綫高層樂易玲、「程亮」林峯和「常在心」鍾嘉欣都有現身撐場。
唐家上下撐場
對於首次在紅館舉行個唱，關菊英感到十分興奮，她說：「對上一次開個人演唱會係86年嘅事，當時只係喺伊館開。雖然之前都有喺紅館做過騷，但個人演唱會都係第一次，所以真係好開心。」
關菊英透露今次演唱會將會邀請一班《溏心風暴》演員擔任嘉賓，她說：「唐家上下都會上台撐場，fans都希望再次見到佢哋。其他嘅嘉賓仲未落實，因為我都係前晚先落實開今次個唱，其實我𠵱家個心都好亂。」問關菊英會否找人設計性感歌衫，她說：「我一定會搵專人設計歌衫，但係我都冇乜嘢畀人睇，吊帶露背都OK嘅。」
關菊英又指自《溏心風暴》播放之後令她得益不少，問到她有否因此劇而結良緣，她笑言：「事業好唔使第二春，我目前都冇時間。」
演唱會嘉賓林峯及鍾嘉欣透露屆時會合唱《心領》一曲，鍾嘉欣說：「我哋到時會以常在心同埋程亮嘅角色出現，由於8月先演出，所以𠵱家都有好多時間排練。」
樂易玲撐黎姿
另外，無綫製作資源部副總監樂易玲昨日被問到黎姿胞弟黎嬰的傷勢，她說：「呢個星期我未探過佢，要睇一陣有冇時間。」對於有雜誌指由於黎嬰的醫藥費龐大，無綫即時與黎姿加簽合約，樂易玲說：「冇加簽，公司唔會喺呢個時候咁做，而且黎姿向來有圈中小富婆之稱，冇聽過佢講要幫忙。如果真係需要幫忙，公司都會盡力幫。」
此外，港台昨日播出大契李司棋早前接受利嘉兒的錄音訪問，司棋曾提到當年花太少時間照顧女兒葉子青，如果可重新選擇，那司棋會否放棄當時的工作，做一個好母親？她有感而發的說：「做媽媽嘅要安排好時間，大部份嘅時間要畀細路，唔應該好似我咁樣。」
採訪：王崇穎 攝影：陳俊強
