「請問你哋的貓仔看電視，或者電視開着時，會否神經失常？」CheongLee家有怪貓，對電視有異常反應，只要電視機出現畫面，便會神經質地做出奇怪舉動，如全屋亂跑或四處亂抓，「我𠵱家唔畀佢入廳，有乜辦法處理呢個問題？」
據CheongLee描述，當家人一開電視機，他的花貓便有異常反應，「好似疑神疑鬼咁無故抓人、抓家具，又走來走去聞嘢，不過一熄電視就正常番。」他說曾測試貓兒反應，「聽到聲都冇事，但一見到畫面就黐線。」
網友Jojo認為CheongLee不必太擔心，因為這些可能是貓兒正常反應，「我啲貓貓睇電視網球比賽或者賽車，會搞笑到走去電視機背面搵波或者架車，佢哋以為個波跌咗出嚟，想去執。」Rkc也說他的貓也有此毛病，「佢一見到郁動畫面就撲上去，想捉住啲嘢咁。」
「可能唔想睇嗰個台」
Alice估計貓兒看電視失常，可能與電視機閃光太強有關，「試吓調校暗啲，可能會有改善。」MSK說他的貓偶爾失常，「不過睇到佢有興趣嘅電視節目，就會坐定定。」Pat則指「可能隻貓唔想睇嗰個台，下次試吓轉台。」