已婚男藝人「山哥」，佢近年出番嚟拍劇，因為佢保養得好，個人又細心，嗰陣成熟男人味，迷死唔少姐仔，所以頻頻傳緋聞，先係同公仔箱幕後個女「拖肥」拖手仔，最近又話佢同公仔箱花旦「姣蛇」撻着，山哥老婆有個花弗老公，都咪話唔閉翳。
山哥老婆自從生咗兩個細路，做咗肥師奶後，佢都知道如果唔keep番靚，老公一定會沙沙滾，所以山哥老婆成日食減肥藥，可惜食得太多，唔單止冇效，啲減肥藥仲搞到佢嘅皮膚好差，尤其黑眼圈好厲害，所以山哥老婆無論日間或者夜晚，都一定戴太陽眼鏡遮住對熊貓眼先敢見人。關仁都幾同情山哥老婆，佢每次聽到老公爆出緋聞，就喺屋企喊天光，喊到對眼又黑又腫，想唔似熊貓都唔得啦。
Textby關仁