雲集韓國當紅歌手嘅音樂節目「愛之韓國2007DreamConcert」，噚晚喺首爾奧林匹克競技場順利舉行。前日有份出席嘅單位包括女歌手李孝利、徐寅榮同組合SeeYa同Kara等，佢哋都積極進行綵排。李孝利當日身穿背心排舞，由於天氣太炎熱，佢後來就索性捲起衫腳露出小蠻腰同底褲，即時謀殺咗記者唔少菲林。至於徐寅榮就由大隻猛男抬起表演，佢嘅扭腰功架的確好犀利。