法國翼鋒列貝利初出道時，曾經被譽為新施丹，不過睇佢喺馬賽同國家隊打法，其實似皮利斯多啲。
人望高處，原本對佢轉投德甲嘅拜仁慕尼黑都冇咩意見，不過當初係列貝利表示，因為喺馬賽冇歐聯打，先至希望轉會；不過今次轉投來季只能角逐歐協盃嘅拜仁，更諷刺係馬賽取得法甲亞軍，來季可以踢歐聯，列貝利重唔係自打嘴巴？當年佢衰到去土耳其落班，係馬賽簽佢先打番起，到成咗名就走，點對得馬賽同球迷住呀？
講番周六心水，利雲特受讓平/半必捧，理由睇番周五投資版啦。
讓球：利雲特（下）
心得：華倫兵打完國際賽腳軟
牽牛
精通各種賭法，發覺賭「讓球」先係王道，每日一棍希望有得發。