盟主心聲<br>綠恩相遇︰維拉利爾勢開「主勝」 - 賴恩

盟主心聲
綠恩相遇︰維拉利爾勢開「主勝」 - 賴恩

早排睇免費台嘅《謎》,當Adam鄭話會涉及解開「水怪」疑團嘅時候,我同「諸事問」嘅朋友就好期待,雖然知道來來去去都係用番「尼斯湖水怪」為主,配以翻睇過無數次嘅舊片;但最終一連幾集所謂「解開水怪之謎」故仔上映嘞,結果係點?三個字形容晒:「揸流攤」!
話說嗰晚播出故仔第1集嘅時候,我同「諸事問」都擔好凳仔霸頭位,諗住有咩新嘢睇啦,點知全部係吹水嘢,搞到我哋不知幾失望!不過還好西甲仲有支「黃色潛艇」維拉利爾,吓吓實牙實齒比賽絕不欺場,同「水怪之謎」揸流攤嘅處理手法截然不同,總算都叫做有番啲安慰!
所以今期推介依然係維拉利爾贏,而且仲會係大炒畢爾包嗰隻,總之「主勝」有計啦!

讓球主客和:維拉利爾勝[-1]

心得:科蘭「弗」爆「主勝」有得執

賴恩
筆者崇尚以小博大,敗不傷,勝則笑。乏味雞肋何惜之!