張耀榮因告時富投資主席違約敗訴，欠下420幾萬訴訟費，被法庭頒令破產，張耀榮已主動提出還款協議，希望撤銷破產令。法庭原定噚日審理，但代表張耀榮嘅律師話，需時向法庭再呈交新誓章，法官遂應請求，將聆訊再押後，張耀榮就案件噚日首度現身法院。法官提醒代表張耀榮嘅律師區穎麟，指上次就撤銷破產令聆訊喺報章刊登嘅通告不合規定，叮囑今次必須說明申請撤銷破產令嘅理據。法官又指，區律師誤以為同意書已呈交法庭，噚日毋須開庭，但錯誤並非喺張耀榮身上，所以要區律師支付噚日破產管理署同債權人律師嘅訟費。
案件編號：HCB117/07