有人認為夾公仔是鬥智鬥技又講運氣的遊戲，一夾上癮不能自拔，乖乖奉上金錢，不少港人到日本旅行時，其中一項最重要「行程」及觀光點便是夾公仔機店舖，PKTung更把「戰利品」拍照擺上網，向其他網友炫耀。
從PKTung公開的照片可見，他橫掃日本夾公仔店，收穫有約20隻公仔，「係我同太太合作無間嘅成績」。不少網友對他的戰績既羨且妒，vsmile認為日本的夾公仔機好像較香港的容易有收穫，他說早前到日本時也有玩，「夾到隻細嘅公仔，當個紀念品」。
網友Hidekiii則說在日本玩夾公仔機，通常一夾得手，「我同女朋友在新宿夾公仔，一夾就搞掂。點知隻暴力熊太大隻，夾唔到出嚟，要位工作人員開櫃拎畀我哋。唔知好彩定唔好彩，因為咁大隻公仔擺落行李箱都幾麻煩」。
其他網友紛紛展示戰績，Sonic說夾到的公仔數量不多，但就較特別，「有個印住一個卡通女仔，充氣後有一米高」。他說池袋有一間夾公仔店很易得手，「好彩嘅，100日圓就可以挾到個細細個嘅公仔，留一個鐘頭就夾到四大袋」。他又說在日本經常夾不停手，「有時為咗個自己鍾意嘅公仔，會不停夾，花一萬日圓好正常」。
