有人認為，韓式愛情片橋段千篇一律，劇情悶到發瘟，早就打入冷宮！但計我話，其實呢類電影亦非一味靠愛情加搞笑嚟突圍，好似將於6月22日發行嘅《情迷戇豬男》DVD/VCD版，大家會見到一向型仔打扮嘅權相佑，喺電影入面竟變成一名戇男，仲一直視成龍為偶像，要打造自己成為出色嘅動作演員，劇情有唔少權相佑武打片段，對女Fans而言，呢樣已經係賣點啦！