當年經典嘅《留給最愛的說話》入面，就有句：「可惜嗰個落雨嘅晚上，嗰條濕滑嘅公路，嗰個粗心大意嘅司機，令我唔可以趕到嚟呢間咖啡室，親口對你講一句：我愛你！」但點都諗唔到，呢段獨白變成台灣車禍喪生的護士林淑娟跟家人最後嘅說話。
事發喺6月6日清晨時分，曾紅遍港台嘅歌手林曉培喺信義路附近嘅Pub飲酒狂歡後，竟醉酒揸車離開，當時正值滂沱大雨，喺途經東興路時，就同揸住電單車嘅林淑娟發生碰撞，並令她身受重傷，送院後不治，事後林更被涉嫌無牌駕駛！
悠穎馳覺得應該對醉駕嘅司機施以重罰，務求收阻嚇作用；好似香港咁，血液或呼氣嘅酒精含量超標，即會被控醉酒駕駛，最高罰款係2萬5千蚊及監禁3年！又係老土嗰句，醉駕真係要不得，身為公眾人物更應以身作則，唔好貪圖一時之快而令自己恨錯難返！
悠穎馳
豪邁不羈，愛車如命，聽幾下引擎聲就知咩車！