「出前一丁」稱得上係即食麵嘅大哥大──咁講係鱔咗啲，但卻係事實。大家都試過嘅係，肚餓起嚟，走入廚房淥個丁，3幾分鐘，熱辣辣香噴噴，快速醫肚又夠誠意；但大家可能估唔到嘅係，原來「丁丁」仲可以用嚟整中式雲吞、越式春卷、西式沙律，甚至夾中東包都掂，夠晒國際化，咁以後就唔使淨係放湯咁單調喇！
記者：黃錫蓮
攝影：陳盛臣
模特兒：Meko@TheGroup
場地及資料提供：嘉出版（www.characters-books.com）
椰果菠蘿雞沙律拌麵
需時：30分鐘
價錢：$20/1人
材料：出前一丁雞蓉麵1包、雞柳肉4條、罐頭菠蘿3片、椰果粒3湯匙、蘆笋4條、西芹1棵、車厘茄6粒
沙律汁：檸檬汁2湯匙、檸檬皮茸1茶匙、蜜糖1湯匙、特純橄欖油3湯匙（所有汁料拌勻）
做法：雞柳肉以1/2包原裝麵湯粉醃15分鐘，然後以少許油煎香，切小塊備用；蘆笋/西芹切段，灼熟後，過冷河，備用；菠蘿/車厘茄切小粒備用；以小鍋燒開500毫升水，放出前一丁麵，以中火煮21/2分鐘，撈起，過冷河，瀝水，連同所有材料拌入沙律汁即成。
貼士：要保持沙律清爽美味，切粒的材料可預先冷藏，在食用前一刻才拌入沙律汁。
香煎雞蓉麵雲吞
需時：20分鐘
價錢：$15/1人
材料：出前一丁雞蓉麵1包、青菜數條（可按個人喜好選用蔬菜，灼熟）、免治雞肉80克、薑茸1茶匙、葱粒1茶匙、上海雲吞皮15張、雞蛋1隻（拂勻）
做法：小鍋燒開500毫升水，煮出前一丁麵約2分鐘至軟身，撈起，過冷河，瀝水之後將麵剪成小段，拌入少許原裝麻油，備用。青菜抹亁水份後切碎，連同雞肉/麵段，加入1/2包原裝湯粉/薑茸/葱粒/原裝調味油拌勻成餡料；雲吞皮放掌心，放上約2茶匙餡料，對摺包成雲吞，以蛋液封口。平底易潔鑊燒熱2茶匙油，鋪上雲吞煎至底部呈金黃色，灑上3至4湯匙水，加蓋煮1至2分鐘待水份完全被吸收，揭蓋後煎至亁身，即成。
貼士：上海雲吞皮較厚身，煎熟後外皮香脆可口；額外注入清水，加蓋再煮才可令餡料完全熟透而又保留肉汁。
沙嗲銀芽炸魚絲包
需時：10分鐘
價錢：$15/1人
材料：出前一丁沙嗲麵1包、中東包4件、炸魚片6片、銀芽1杯、菠蘿粒3湯匙、粗粒花生醬2湯匙、青瓜絲1/2杯
做法：將出前一丁麵以500毫升滾水煮21/2分鐘，撈起，瀝水，拌入1/2包原裝湯粉及少許麻油，備用。炸魚片切幼絲，以1茶匙食油炒香，加入銀芽及1/2包原裝湯粉及調味醬炒勻，趁熱拌入花生醬/菠蘿粒成餡料備用。中東包切開成口袋，以平底鑊略烘至軟身，夾入餡料/麵條/青瓜絲即成。
貼士：趁熱時食用，沙嗲味會更香濃突出。
香辣吞拿魚麵米紙卷
需時：10分鐘
價錢：$25/2人
材料：出前一丁香辣海鮮麵1包、油浸吞拿魚1小罐、越南米紙6張、檸檬皮茸1茶匙、芫荽2湯匙（切碎）、紅辣椒1隻（切碎）、紅洋葱1/2個（切絲）
調味料：黃糖2茶匙、檸檬汁1湯匙
做法：吞拿魚瀝油，拌入原裝調味油、香辣包及1/2包湯粉，備用；將麵放入500毫升滾水煮21/2分鐘，撈起瀝水，略切碎，再拌入吞拿魚/檸檬皮茸/芫荽/紅辣椒/紅洋葱絲/調味料，備用。越南米紙以適量暖水略浸，待1分鐘至軟身後，即可包上適量的吞拿魚餡料，捲成卷狀即成。
貼士：越南米紙浸軟後宜盡快使用，亦可在完成後的米紙卷蓋上濕毛巾，以保持其表面軟滑。
