吳浩康（Deep）的母親前晚於銅鑼灣聖保祿醫院因肝癌病逝，終年56歲。阿Deep前日已取消多個電台訪問，一直與父親及三位胞姊侍奉在母親身旁，阿Deep父親昨日接受電話訪問，他透露妻子早年曾患乳癌，其後病況好轉，但五年多後卻發現癌細胞轉移至肝臟，更已是末期。
死頂繼續開工
阿Deep父親表示一家人現時心情沉重，兒子更是難過不已，他說：「佢叫媽媽放心，話佢會爭氣，會努力。阿Deep好錫佢媽媽，媽媽都好錫佢，得呢粒仔，所以佢一提起就好淒涼，總之好唔開心啦。」
被問到阿Deep會否請假處理母親的身後事，阿Deep父親說：「佢好多嘢都取消咗，具體要視乎公司安排，佢呢排出碟多嘢做，有啲嘢唔係話停就停，佢今日好down，都要返公司搞埋啲嘢。做藝人就係咁，對人歡笑背人愁，好無奈㗎。」
阿Deep經理人Kitty表示他正值宣傳期，故只能請假兩天，昨日早上還要為電影配音及拍宣傳照，她說：「佢喊到眼腫，但就話頂得順，仲叫公司唔好cut佢工作。」
採訪：丁寧