王先生為咗炒股得心應手，就鑽研易經八卦、技術分析。一日，食完晚飯，一家三口坐喺張梳化睇電視。睇睇吓，王先生突然大力拍咗大髀一下，好開心咁講：「好兆頭，好兆頭呀！聽日股市肯定升硬。」講完後就笑嘻嘻走入廚房，沖番杯茶歎番吓。
不過，當佢捧住杯茶返入廳，見老婆抱住3歲嘅細仔玩，即時大吃一驚咁話：「冇喇！聽日個市跌梗喇！」
老婆𢱑晒頭咁問：「一陣間就話升、一陣間就話跌，都唔知你發乜神經？」
兩陽夾一陰睇升
王先生面無表情咁講：「頭先我哋3個人並排坐喺梳化度，你坐喺我同個仔中間，好似技術線嘅『兩陽夾一陰』（兩支陽燭夾住一支陰燭，代表新一輪上升），咁就預兆聽日個市會升喇！點不知我沖完茶出嚟，見你抱住個仔，咁好明顯係『長陰包陽』組合，即係『穿頭破腳』，咁聽日又點會唔跌市呢？」
http://cn.bbs.yahoo.com/message/read_finance_460174.html