無綫前晚於黃金時段播出的兩套劇集《師奶兵團》及《學警出更》，竟同時發現穿崩鏡頭，其中以《學警》最離譜，客串的薛凱琪中槍殉職，劇中男友陳鍵鋒到停屍間見她最後一面時，薛凱琪竟上演一幕「死唔眼閉」眼眨眨，令人震驚！
前晚播出第二集的《學警出更》中，只屬客串的薛凱琪扮演女警因追捕匪徒而殉職，令不少觀眾大歎可惜，更有網民在討論區中揚言要哀悼Fiona。不過Fiona只出鏡兩集，便被發現穿崩鏡頭，可謂相當不專業。
劇情講述Fiona飾演的女警中槍殉職，同樣受了傷的陳鍵鋒追問吳卓羲Fiona在何處時，吳卓羲帶他到停屍間見女友最後一面。陳鍵鋒衝到Fiona面前時大力撞了病床一下，此時Fiona竟因自然反應而眨了一眼，結果出現這個穿崩場面，難道Fiona不滿自己只能演出兩集而死不瞑目？由於實在太不合情理，記者昨日已發現有人將該片段上載YouTube網站。
另外，陳鍵鋒昨日接受商台電話訪問，談到《學》劇被指抄襲電影《神經俠侶》時說：「播咗咁少時間就話我哋抄襲，好似有啲唔公平，大家再睇落去就知係唔同。」陳鍵鋒與緋閒男女陶大宇和郭羨妮有不少對手戲，問他可察覺二人有何不妥？他說：「冇乜留意喎，我好專心工作。」
薛凱琪死都眨眼網址：
http://www.youtube.com/watch?v=aZPSfGDlOZQ
唐寧炒車唔求醫
另一邊廂，前晚播出的《師奶兵團》同樣出現不合理情節，事緣馬國明激嬲了唐寧，唐寧一怒之下以高速踩單車，結果炒車血流披面。誰知受重傷的唐寧沒有昏倒之餘，居然還有心情跟馬國明調情，二人成為情侶後，還一起踏單車回家，並沒去醫院療傷，實在不合理。
採訪：林妃、胡比
蘋嬸有嘢講
若果各位讀者發現《學警出更》或《師奶兵團》有任何唔合理嘅情節或者穿崩鏡頭，歡迎大家電郵到[email protected]報料。
蘋果娛樂特派評述員蘋嬸
