「唉！喺工廠區做秘書，俾人歧視。」網友King仔媽打表示，由於覺得現職無前景，故騎牛搵馬想轉工，怎料到銅鑼灣投資公司見文員工時竟遭人冷言冷語，「個人問我，『你喺工廠區做秘書㗎？但我哋係返寫字樓喎！』我當堂呆咗，冇諗過會俾人歧視。」
King仔媽打沒有透露工作地點，只說公司以往位於乙級寫字樓，兩個月前才搬到工業區，她問網友在工廠區工作是否低人一等，「如果大家一向喺甲、乙級寫字樓返工，有一個做開工廠區文職工作嘅人嚟見工，大家會唔會歧視佢？」
指錢銀最實際
不少自言在工廠區工作的人，原來也有類似經驗，「唉！世態炎涼。老實講句，做開廠嘅寫字樓，真係好難轉番出去，入咗廠，就好難出番中環嘞。」煙花則說在工廠區工作，不代表比中環低級，「工廠區大把寫字樓，唔少仲係世界級名牌公司，𠵱家其實好多中小型公司先會租商業區，因為方便見客，大品牌就落晒工廠區，貪有大地方擺貨。」
網友Kamyin稱會即時反駁，「我會答，喺工廠區做嘢嘅人，能力未必低得過喺寫字樓做嘅人。」網友Peter指錢銀最實際，「你畀我極高薪，返油塘又點話，飯錢仲平過你喺中環打份牛工多多聲。」