西甲榜尾形勢，早幾年仲曾經同皇馬等勁旅一時瑜亮嘅皇家蘇斯達，暫排第18位，落後第17位嘅畢爾包4分，聯賽淨番兩輪，皇蘇仍然要為護級努力。今周皇蘇就有主場之利，迎戰對手係呢期唔知搞乜跌晒watt嘅桑坦德。
本來，桑坦德其實都唔係咩實力份子，但季中有一輪勢頭好勁，唔到你唔尊重一吓；但近期已見冇貨賣，呢場佢哋亦冇咩好爭，鬥志肯定唔及皇蘇，博主隊贏2:1。
尾二球隊切爾達，同皇蘇都係一樣，同得33分，又係要搏老命護級嗰隻。不過，切爾達對手就惡哽得多，係仲要為保住歐洲賽參賽資格嘅第6位球隊馬德里體育會，切爾達仲要作客。
博貝廸斯贏2:1
雖然係咁，馬體會近嚟表現反反覆覆，難以捉摸之餘亦係令人失望居多，好似對上一場主場波，就夠膽死輸夠0:6俾巴塞隆拿；呢場馬體會主場又點？各一言和博得過。
貝廸斯主場對奧沙辛拿一仗，貝廸斯仲需要多一場勝仗，至可以直接確定護級成功，咁啱呢場就有主場之利，亦係今季最後一次主場比賽，點會畀冇嘢好爭嘅奧沙辛拿嚟搞串個party？都係吼主隊勝2:1。
文：華度
波膽過關3串7
星期六9 馬德里體育會和1:1 6倍
星期六11 貝廸斯勝2:1 7倍
星期六14 皇家蘇斯達勝2:1 7倍
全中賠率 447倍