房祖名（圖）、謝霆鋒同余文樂早前接拍由陳木勝執導嘅新片《男兒本色》，套戲入面有好多動作場面，佢哋三個堅持親身上陣，打到飛起，平時斯斯文文嘅房祖名，打到拳拳到肉，十足成龍上身咁款。另外，三個大男孩早排拍攝電影海報，今次佢哋放低靚仔樣，着爛衫爛褲之餘，仲將自己整到污糟邋遢，嚟凸顯經歷連場大戰後嘅粗獷一面。