車路士原本喺下個禮拜公開件新作客波衫，點知球迷真係神通廣大，件新衫個樣率先喺網上流傳。據講呢件好刺眼嘅螢光黃波衫，係由老細阿巴莫域治親自揀，驟眼睇好似巴塞隆拿件作客波衫，靚唔靚就見仁見智；但我求大俠諗，佢揀嘅時候，巴塞隆拿仲係歐聯盟主，跟到咁足，睇嚟佢真係恨攞歐聯恨到發燒。