喺香港上市嘅中國銀行，大家通常叫佢做「中行」，不過，喺窩輪市嘅「中行」，原來係指中銀香港，即係中國銀行個仔。點解中銀香港唔叫中銀呢？咁咪冇事囉？ 原來，同系嘅中銀國際，喺窩輪市場嘅發行商簡稱做「中銀」，咁混亂真係令人有啲頭暈眼花。 噚日中銀香港話，佢哋今日首度喺香港發行窩輪，6月8號喺港交所掛牌，發行商簡稱為「中行」，英文簡稱為CN。 雖然中銀香港嘅客源主要係零售為主，據講，由於窩輪佔整體市場成交已經有兩成，喺搵錢不甘後人下，中銀香港都想加入埋一份。