楊怡緋聞男友藍偉傑，05年3月替旗下全資擁有的怡寶公司向永亨銀行借貸時擔任保證人，公司並將位於上水古洞的桃苑物業按押予銀行，惟昨日遭銀行入稟高等法院，追討還款本金連利息及要求收樓，並申請法庭頒令，准許永亨銀行將該物業出售，收益用作抵債。楊怡昨晚於旺角出席《溏心風暴》祝捷會時對此說：「我係識藍偉傑，但唔知係咪同名同姓，我冇聽過呢件事，朋友有呢啲事都未必同我講。」
「公司冇阻止我拍拖」
此外，楊怡昨午以性感露臍露背裝，於銅鑼灣出席手機活動，談到早前被連番拍得與藍偉傑逛街，她強調對方只屬男性朋友：「我一向會同男性朋友去街，冇乜特別，公司冇阻止我拍拖，但𠵱家工作為重，我冇諗過。」
案件編號：HCMP1093/07
採訪、攝影：魯萍