英國倫敦嘅樓價高處未算高，一個最近放售嘅單睡房單位，售價超過300萬英鎊（4,668萬港元）嘅驚人數字，創下倫敦之最。
呢個天價單位雖說是單睡房，其實有1,400平方英呎大，面積可媲美一般四睡房單位，客廳特大，套房式睡房是連廁所，另有獨立廁所和大廚房。
單位座落喺有好多倫敦銀行家和退休大使居住嘅EatonPlace公寓，位於倫敦上流社區貝爾格拉維亞（Belgravia），女星伊莉莎伯凱莉（ElizabethHurley）同車路士班主阿巴莫域治（RomanAbramovich）都喺附近居住，總算貴得有道理。英國息率近期雖已升高，但倫敦樓價升勢未止，已有幾十個單睡房單位售價超過100萬鎊（1,556萬港元）。專家指倫敦樓市升勢已脫離英國其他地方，因為有外資流入和金融從業員巨額花紅支持。
英國《旗幟晚報》/《太陽報》