翁虹舊年同大西洋城賭場副總裁伍偉傑結束三年婚姻後，真係唔愁寂寞，因為佢好快已經識咗新男友。今年4月，翁虹同一個講普通話嘅男子喺金鐘太古廣場行街街，仲俾雜誌影到佢哋錫晒面同十指緊扣。雖然呢個男友睇嚟幾後生，頂多20幾歲，肯定細過翁虹，但馮仁昭聽聞佢同男友感情唔錯。
「多謝大家關心」
日前有內地傳媒影到身在上海嘅翁虹大住肚行街買嬰兒用品，當時佢身邊仲有一個女性朋友陪住佢，有記者想走埋去訪問佢大肚嘅事，佢朋友立即擋駕，喺離開商場嘅時候，翁虹仲攞住本育嬰指南。
馮仁昭噚日打畀翁虹，想問佢個愛情結晶品係咪同現任男友製造，翁虹話：「多謝大家關心，由於事出突然，幾日後，我自然會對外有所交代。」
