林保怡母親周一於沙田威爾斯醫院病逝，享年84歲。飽受喪母之痛的保怡向無綫請了兩日假，昨日復工拍劇。一向孝順的保怡被問到母親的身後事時，只見他眼有淚光，說話哽咽，他更感慨地呼籲世人要好好孝順父母。
林保怡、黃德斌、邵美琪及關禮傑昨晨6時於西貢遊艇會拍攝無綫劇集《珠光寶氣》，休假兩日的保怡忙於打點母親的身後事，故顯得份外憔悴。
問保怡其母的喪禮進展如何？他說：「媽咪啲身後事仲未搞好，因為我都係啱啱喺法國返嚟冇幾耐，媽咪過身我都係放得兩日假又要開工，所以喪事啲嘢要搵人幫手搞。」
眼濕濕哽咽
問保怡心情是否尚未平復？他即眼泛淚光哽咽說：「仲未，大家都知道我好錫媽咪，奉勸大家一句，真係要好好孝順父母，盡量抽時間陪吓佢哋，到佢哋唔喺度時，想盡孝都冇機會。我要多謝傳媒最近對我嘅關心，但同時都希望大家可以畀番啲空間我。」說罷工作人員即叫保怡埋位，他禮貌地向記者道別。
昨日保怡主要拍攝一場與兩位下屬黃德斌與邵美琪出海的遊船河戲，劇情講述三人出海遊船河前，先在遊艇會的餐廳用餐，剛巧遇上關禮傑，關禮傑不斷奉承保怡，但鞋油似乎不管用，因對方沒有太大反應，反而不斷與兩位下屬說話，令關禮傑甚為無癮。
採訪、攝影：娛樂突發組
