賭王何鴻燊前晚與兩個囡囡何超雲、何超蓮，捧三姨太陳婉珍場。自命通融的賭王，揚言不計較未來女婿的國籍，ABC、台灣人都沒問題，只列出非洲黑人及回教徒例外，更謂自己與回教徒是雞同鴨講，似乎有種族歧視之嫌。
賭王何鴻燊三姨太陳婉珍前晚以籌委主席身份，在北角新光戲院舉行「東華慈善粵劇晚會」，成功籌得155萬元。賭王早早到場，三姨太的兩位千金超雲和超蓮都有捧場。
母送潮Phone
現年16歲的超蓮被發現脫了面上一粒小癦，以及拿着價值6,200元的潮機PradaPhone，她表示是母親送的生日禮物，身為吳尊fans的超蓮，自爆最迷《花樣少年少女》，問到若對方追求可會接受時，她害羞地說：「冇可能，佢咁靚仔。」而胞姊超雲則表示現時沒男友，但賭王卻不相信囡囡沒拍拖。
雞同鴨講
賭王說：「女大女世界，冇得干預㗎喇！」提到揀未來女婿，賭王當年狠批與何超瓊拍拖的楊其龍「質地唔好」，問他是否仍講究質地？賭王笑說：「佢哋𠵱家揀男仔，要高大威猛，叻過阿爸，我都好通融，乜人都唔緊要，講國語、ABC都得，不過非洲黑人就唔係咁好，摩囉差都最好唔好，費事講咁多英文，同埋摩囉差嗰啲回教，講宗教問題，係雞同鴨講。」
問賭王早前以1,376萬元買的康熙龍椅，有否帶旺賭場？他說：「仲未知，放咗幾日啫，未見效，不過張椅真係好大，可以三個人坐。」記者即說正好可以跟兩位姨太同坐，享齊人福？他說：「係呀，真係夠晒坐。」
採訪、攝影：GeneNg
