噚日，孫柏文收到個電話，打嚟講強醫金，見解獨到，所以我好想喺度同大家分享。佢（大大聲講）：「孫生，你寫嘅智經研究中心個主席陳德霖，嗰個搞強醫金、話供強醫金嘅錢，用現有強迫金制度去收，原來，佢老婆係迫金局行政總裁唐芷青！嗰個陳德霖係唔係儍㗎？」
孫柏文聽到呢度，本來想插句嘴，講句「好嘢」，因為又有志同道合支持自由市場嘅朋友，點知我未開口，佢又繼續講。
佢話：「個陳德霖究竟識唔識英文、知唔知咩叫recuse？識唔識recusehimself？做得呢啲嘢，就要避免令人覺得有impropriety㗎啦！佢都黐線㗎，我本來支持呢個強醫金㗎！𠵱家佢咁玩利益衝突，搞到其他人因為咁而唔支持點算呀……」
孫柏文當然唔同意陳德霖係為咗利益輸送畀佢老婆而推強醫金，我同噚日一樣，依然認為陳德霖係用我哋啲血去做鞋油，擦曾蔭權對鞋。不過，講真陳德霖真係冇乜politicaljudgement，如果重返政府，一定會比李國章局長更惹火。
最後一句講到尾，陳德霖強醫金呢隻鞋油，太重血腥味，好想嘔。
金手指網誌： http://phatdat.blogspot.com