國泰航空行政總裁陳南祿（圖），做埋今個月就會升做非常務副主席，轉為效力大股東太古，專搞大陸生意。雖然就快轉職，但祿哥依然馬不停蹄為國泰做推廣。
佢前日喺加拿大出席溫哥華貿易局舉行嘅午餐會，向加拿大商界人士講述香港回歸十年嘅情況同本港航空業發展。
簡單嚟講，原來國泰97年只有59架飛機，𠵱家連港龍同華民航空，夾埋有150架飛機，多成91架；營業額亦由10年前300億，倍升至舊年600億，認真厲害。
聽講祿哥今個月底前，仍有機會喺公開場合演講，華華希望佢可以講吓國泰未來10年發展，唔好淨係講以前啦。