綜合網上討論區有關港景峯的意見，優點是地利和景觀，缺點則大多圍繞實用率低、建築質素與發展商名氣不成正比等，完全是近年長實樓的優缺點寫照。《Gohome討論區》上，網友老紀話：「交通及購物方便，景觀佳，好過住西九。」Davde就講得更加好：「位置極佳，去邊度都方便，尤其經過九龍公園去尖沙嘴購物食飯，最能夠感受城市生活嘅優越感。」
不過，Likk同phoebe都異口同聲咁講：「窗邊同浴室都有漏水情況。早兩年遇着豪雨後漏水情況嚴重。」而另一討論區《香港地產城》內，索K之王表示：「港景峯實用率真係好低，用嚟投資收租都幾好，用嚟自住完全唔覺得有700幾呎。」