最近行經金鐘麥記，瞥見其中一角擺咗部巨型Nokia5700模型，唔講仲以為去咗反斗城玩嘢！
但細看下發現，原來佢唔只模型咁簡單，其實內附一個遊戲，輸入自己的電話號碼同姓名，玩埋遊戲就有機會贏到一部Nokia5700；正所謂執輸行頭慘過敗家，攝記哥哥同小記馬上落場即試！
不過玩咗好一陣子，個遊戲究竟玩乜？始終都係參透不出（所以喺度亦都寫唔出）！隔籬枱咬住半個巨無霸嘅路人甲終於按捺不住：「我日日落嚟食包，睇見好多人試玩，都係𢱑住頭、氣餒而回！研究佢點玩？好似研究金字塔易啲喎！不過……引到咁多你呢類偷心人企埋嚟賴死唔肯走，佢所做嘅廣告效果已經成功！」