近期西甲最有heart球隊，非6連勝嘅維拉利爾莫屬，「黃色潛艇」仲有機會爭下屆歐協盃資格，球員態度認真可以理解。不過有heart還有heart，都唔使玩內訌影響士氣㗎？維拉利爾日前操練，科蘭同辛拿因一次衝突而大打出手，隊友用咗兩分鐘先可以分開佢哋。睇嚟班球員好有火喎，周六迎戰畢爾包要昅實喇！