「你有乜方法防守勒邦占士？」最近俾啲記者不斷重複咁問呢個問題，老實講，除非老子後生10年、重多40磅、好似柏加跑得咁快、好似真路比利跳得咁高，否則點mark到「大帝」啊？
連續7季防守1隊唔嘢少
冇記錯嘅話，我同占士對撼過8場，佢平均攞咗26.4分，命中率近49%；淨睇統計我輸晒，不過呢啲都係常規賽數字，同季後賽比較完全係兩回事。咪睇老子就快三十有六，我話晒都連續7季入選最佳防守陣容，兼且入選夢幻隊名單，就連「81」都對老子嘅防守敬畏三分（雖然佢死口唔認），所以唔好睇少老子嘅實力。
好多人都有錯覺，以為我嘅任務係要盯死占士，如果要咁做嘅話肯定MissionImpossible！其實我嘅目標係要干擾占士，令佢射波時多用一、兩個假動作，傳球時猶豫啲，鏟籃時速度慢啲，最好搞到佢心煩意亂，忘記隊友存在以一當百，有啲似當年BayBoys活塞對付米高佐敦咁打心理戰，咁樣我就「MissionAccomplished！」
深籃代筆