年前由汪明荃、胡杏兒同埋黃宗澤主演嘅無綫劇集《我的野蠻奶奶》大收旺場，佢哋三個近日合演時裝版續集《我的野蠻奶奶2007》，噚日眾人齊集將軍澳電視廣播城試造型。
阿姐喺新劇中飾演時裝雜誌總編輯，致力要將警花新抱杏兒改變成有品味嘅人，類似電影《穿Prada的惡魔》劇情，馮仁昭覺得有抄襲之嫌。對此杏兒話：「少少啦，有啲類似。」佢又話因為演出嘅人唔一樣，所以唔怕被指抄襲。阿姐就話：「背景係似，但做法唔同。」阿姐透露戲中佢同許紹雄有感情戲，仲有一場人工呼吸戲份，阿姐話：「講佢暈咗，拍呢啲戲可大可小。」
杏兒錫住黃宗澤
杏兒同黃宗澤因為合演《我的野蠻奶奶》而撻着，喺續集演狐狸精介入兩人婚姻嘅楊秀惠噚日故意話：「唔知今次有冇得傳緋聞呢？」護男友心切嘅杏兒即刻話：「你同我傳啦。」後來杏兒又話：「我係為自己着想，搶鏡嘛。」黃宗澤就話：「佢係護友，護住朋友。我想睇吓佢做女警嘅一面。」
