側田早前在澳洲悉尼舉行演唱會，邀得同公司的傅穎（Theresa）做表演嘉賓，之前Theresa曾在側田的演唱會中伴跳一曲《Erica》，不過今次唱片公司為了配合Theresa暑假推出EP，特別安排她在側田個唱中又唱又跳《自作多情》，讓她吸取多點演出經驗。
到後台打氣
Theresa說：「澳洲有好多華人，睇騷都係華人，令我唔覺自己身處澳洲，最好笑係喺後台見到林峯、楊思琦同蒙嘉慧，覺得好愕然，仲以為自己去咗電視台，感覺好得意。」
原來林峯、蒙嘉慧、楊思琦和梁榮忠在澳洲宣傳TVB8頻道，碰上側田個唱，順道捧場，並到後台打氣。《溏心風暴》席捲全城，側田和Theresa等見到林峯都不停追問劇情，十分搞笑。
撰文：林妃
