「17歲啦，仲未拍拖，但日子還算快樂……」、「次次媾女最終也只能做好友。」雖說本港適婚年齡者女多男少，但追不到女孩，單身的男孩也為數不少。在高登討論區有網友發起「講吓大家嘅媾女必殺技」，並拋磚引玉指出「我就多數咩都唔講，一嘢拖住佢隻手。」議題引來許多迴響，不少網民都覺得LV、甜言蜜語，甚至有錢、靚仔，都是追女仔「必殺技」。
不過，網友X滴仔透露秘技：「相識之後，先摸清對方底細，第二次出嚟就設計好晒可以打動對方的細節，之後製造一個獨處機會，一嘢就拖落去或咀落去。」自稱超級軍曹仔的網友則建議，在跟心儀的女孩見面時說：「喂，講個秘密畀你知，其實我鍾意咗一個女仔……」趁着女孩必然會問：「邊個呀？」這時就打電話畀佢，表白愛意。
但網友huso卻一針見血地指出「呢個表白方法真係好好，不過要個女仔鍾意你至得㗎，唔係媾女必殺技。如果唔係鍾意你，呢個係必死嘅必殺技。」