自從劇集《師奶兵團》播出後，是非不絕，葉童更是眾矢之的，說她角色不討好，又與其餘兩位主角不和，不願做宣傳等。昨日她在商台接受訪問顯得很緊張，她說：「我怕啲問題好尖銳，如果問我係咪不和，我都唔知點答好，講係同唔係啲人都會誤會。」
「我哋冇Friend咗」
如果不是事實，澄清也無妨，葉童說：「我哋三個冇因為拍劇而變得特別friend咗，見到面亦都唔會鬧交，至於話我唔宣傳，其實我之前喺上海做緊嘢，都有通知過無綫。」講到她不滿角色不討好，戲份被刪，問她之後會否再與無綫合作？葉童坦言：「我唔係不滿，只係覺得如果角色係乞人憎，我想早啲知，等我心裏有數，唔使咁難適應，我都好鍾意同無綫合作，只係人工低啲，返工時間長啲啫。」
採訪、攝影：胡比